شباكية باللوز والزنجلان معلكة وكذوب فالفم من تحضير شهيوات لمياء

في هذا المقال غادن نحضرو معا شباكية باللوز والزنجلان معلكة وكذوب فالفم من تحضير شهيوات لمياء

مشاهدة الفيديو

المكونات

2 كيلو دقيق ابيض

2 صفار البيض

2 كؤوس لوز محمر ومطحون

2 كؤوس زنجلان محمر ومطحون

4 ملاعق كبار  نافع وحبة حلاوة محمرين و مطحونين ومغربلين

القليل من خميرة الخبز

1 كيس خميرة الحلويات

ربع كاس من الخل

2 كؤوس زبدة مذابة

2 كؤوس زيت

4 كؤوس ماء الزهر

4  كؤوس ماء دافئ

2 معالق كبار قرفة

ملون غدائي

للتزيين: زنجلان وعسل

طريقة التحضير 

في وعاء أو قصرية نضع الدقيق مع النواشف ويكونو مغربلين

نزيدو 2 صفار البيض، القليل من خميرة الخبز

نزيدو اللوز والزنجلان مطحونين، الزبدة والزيت وخميرة الحلويات

نخلط المكونات بيدينا حتى تدخل المكونات فالدقيق (نبسبسو المكونات)

ناخدو كاسرول نديرو فيها الماء وماء الزهر والخل والملون الغدائي وندفيوهم شوية

كنجمعو بيه العجين وندلكوها مزيان

كنقطعو العجين إلى كويرات صغار ونديروهم في بلاستيك غدائي

ونخليوها ترتاح لمدة معينة

ثم نبسط العجين بالدلاك ونطويها على أربعة على شكل مسمنة

نشكل كل العجين بنفس الطريقة

ندوزوها فآلة الشباكية بنسبة لمتوفرة عندهم ولا نطلقوها غير بالدلاك

نقطعها بطابع خاص بالشباكية او استعمال الجرارة ونشبكوها

ثم نقليها في زيت ساخن حتى تتحمر وعلى نار معتدلة

ونضعها مباشرة في العسل ونتركها قليلا لتشرب العسل

ونرشها بالزنجلان المحمر

يمكن الإحتفاظ بها في المجمد