سيكار بعجين المسمن مقرمش ولذيذ
فهاد المقال غادن نحضرو جميع لي سيكار بعجين المسمن بلا ورقة البسطيلة كيجي مقرمش ولذيذ بزاف من تحضير الطباخة حليمة الفيلالي من برنامج وليمة مع حلية ليكيجي ف 2M
مشاهدة الفيديو
مكونات العجين
3 كؤوس من الدقيق الأبيض
نصف كاس من الفينو
ملعقتين من الزيت
ملعقة من الخل
القليل من خميرة الحلويات
ملح
ماء للعجن
مكونات الحشو
450 جرام صدر دجاج
أوراق سيدنا موسى
حبة من الحامض
ملح – ابزار
حبة من البصل
فلافل ملونه مشوية
القليل من شعرية الروز
ملعقة كبيرة من الصلصة الجزائرية
قليل من الموطارد
ملعقة صغيرة من توابل الحوت
50 جرام من الفرماج الاحمر محكوك
2 معالق كبار من المعدنوس
علبة ياغورت طبيعي
علبة من الطون
ثوم مفروم
طريقة التحضير
تحضير الحشو
نسلقو الدجاج مع بصلة وأوراق الرند والثوم وباقة معدنوس
في مقلاة على نار متوسطة نوضعو الزيت، الدجاج، المعدنوس،
فلفل ألوان مشوية ومقطعة مكعبات صغيرة، ثوم، ابزار، عطرية الحوت، ملح
نحركو جميع المكونات جيدا
نزيدو شعرية الروز، نزيدو تقريبا ملعقة صغيرة موطارد و ملعقة كبيرة الصلصة الجزائرية
ونزيدو علبة ياغورت مسوس ونحركو جميع المكونات
نخليو الياغورت يغلي ونطفييو النار ونزيدو علبة ديال الطون ديال الزيت
ونحركو كلشي مزيان
ممكن نزيدو الفرماج حمر فهاد المرحلة وممكن حتى تبرد الحشوة
لكن من الأحسن نزيدوه فهاد المرحلة باش تعلك لينا الحشوة
نخلييو الحشوة تبرد مزيان ونوجدو العجين
تحضير العجين
ناخدو عجانة ولا قصرية نوضعو الدقيق والفينو، الخل، الملح،
رشة من خميرة الحلوى غير رأس ملعقة صغيرة
نزيدو الزيت تقريبا ملعقة كبيرة (زيت زيتون أو زيت المائدة)
ملعقة صغيرة من موطارد ونجمع العجين بالماء بارد
ندلكوها مزيان حتى كترطاب ولاممكن غير نجمعوها ونديروها في بلاستيك غدائي
ونخليوها ترتاح الوقت الكافي
من بعد ما رتاحت العجين مزيان كنقسموها ل 4 كويرات ونذهنوها بالزيت
كنطلقو العجين بالزيت وكنرقوها مزيان
وممكن نطلقوها بالزبدة والزيت ونرشو بالفينو أو النشا
ونطويوها على مسمن ونستمرو بنفس الطريقة حتى نكملو كلشي
وناخدو أول وحدة صايبناها ونطلقوها رقيقة
كنديرو الحشوة في الطرف كما هو موضح فالصور
كنطويو وكنجبدو العجينة فوق الحشوة
حتى كنوصلو للنص وكنقطعو العجين
وكل مسمنة كتعطينا 2 ديال لي سيكار
كنحصلو على 8 ديال لي سيكار
كنوضعوهم في طاوة ديال الفرن
وكندهنوهم بالبيض مخلط مع صلصة الصوجا
ونزينوهم بحبوب الخشخاش والتزين كيبقىى اختياري
كندخلوهم لفران سخون مزيان ونقصو شوية ل 200 درجة
وفاش كيبداو يطيبو كنزيدو نقصو باش كيطيبو على خاطرهم وكيتقرمشو
وكنقدموهم بالصحة والراحة
تقييم سيكار بعجين المسمن
من خلال تقييمنا لتعاليق المتابعين على موقع اليوتيوب لاحظنا أن هاد الوصفة ديال لي سيكار بعجين المسمن من تحضير حليمة الفيلالي كيجييو لذاذ ومقرمشين
رابط قناة حليمة الفيلالي هنا
شاهد أيضا