في هذا المقال سنتطرق لخمس طرق لتحضير سلو أو السفوف المغربي أو الزميتة بطرق سهلة، مبسطة ولذيذة بالتأكيد مع ذكر أسرار لذته ونجاحه
الطريقة الأولى : سلو هماوي بتقنية جديدة لحليمة الفيلالي
في هذا الفيديو سنتطرق لطريقة تحضير اليوتيوبر الطباخة حليمة الفيلالي سلو هماوي بتقنية جديدة ماغتفلي حتى حاجة والمذاق استثنائي
مشاهدة الفيديو
المكونات
كيلوغرام من الدقيق الكامل او كيلو ونصف او ممكن استعمال دقيق الفورص
كيلوغرام من الزنجلان أو السمسم
كيلو غرام لوز
ملعقتان حبة حلاوة او الشمر مطحونة
ملعقتان نافع او ينسون مايعادل50 غرام بنوعيه
2 ملاعق كبيرة أو 3 من القرفة مطحونة
زبدة حسب الرغبة
سكر حسب الذوق
عسل
القليل من الملح
القليل من المستكة
طريقة التحضير
نأخد كيلو غرام ونصف من الدقيق الكامل من بعد ما نزيلو ليه النخالة نحمروه حتى يأخد اللون الذهبي
نأخذ كيلو غرام لوز نضعه في صفيحة وندخله الفرن ليتحمر على نار هادئة ونفس الشئ بالنسبة لزنجلان
نحمرو اللوز بالقشرة ديالو لأن فيها عدة فوائد صحية ويعطي مذاق أفضل ولا يتطلب منا مجهود
نأخد تقريبا 600 غرام من اللوز وهو مازال سخون نطحنوه مزيان مع كمية من السكر حتى يولي مثل العجين
والكمية المتبقية من اللوز غير نهرمشوها (تقريبا 400 غرام)
وبنفس الطريقة نطحنو الزنجلان
نطحنو الدقيق الكامل حتى هو باش يجينا معلك ويحتفظ على القيمة الغذائية ديالو وفنفس الوقت ميجيش حرش
الزبدة الحيوانية ندوبوها مزيان حتى تأخد اللون البني (زبدة نوازيط)
نأخد إناء كبير نوضعو فيه جميع المكونات إلا الزبدة
نخلطو جميع المكونات جيدا وندلكو مزيان حتى تنسجم المكونات وتعلك وتطلق الزيوت ديالها
ونزيدو الزبدة وندلكو الكل جيدا حتى تعلك السفوف ديالنا
وهكذا كتكون سلو جاهزة وطريقة التقديم كتبقى اختيارية
الشكل النهائي
الطريقة الثانية: سلو تقليدي 100% لهدى صدقي
في هذا الفيديو سنتطرق لطريقة تحضير الممثلة هدى صدقي لسلو تقليدي 100% على طريقة أمها الغالية
مشاهدة الفيديو
المكونات
1 كيلو غرام من اللوز
1 كيلو غرام من الزنجلان
1 كيلو غرام من الدقيق المحمر
250 غرام من السكر صقيل
50 غرام نافع أو اليانسون (3 ملاعق كبار)
50 غرام حبة حلاوة أو الشمر (3 ملاعق كبار)
300 غرام زبدة حيوانية
150 غرام عسل حر
2 كؤوس زيت زيتون
3 ملاعق كبار قرفة
كوزة صغيرة محكوكة
5 دراهم مسكة حرة
القليل من الملح
طريقة التحضير
ناخدو اللوز نصلقوه ونزيلو ليه القشرة ديالو ونشفوه مزيان
نذهنوه بالقليل من الزيت وندخلوه للفرن على نار هادئة حتى يتحمر
مرة مرة نحركوه ونرجعوه للفرن
بالنسبة للمسكة الحرة نطحنوها مع القليل من السكر الخشن
نأخد إناء كبير الحجم نغربلو فيه الدقيق والسكر صقيل
نضيفو المسكة الحرة (المستكة) الكوزة والقليل من الملح
نضيف حبة حلاوة والنافع والقرفة (نغربلهم)
نصف كيلو غرام من اللوز نطحنوه مزيان حتى يولي مثل العجين
والنصف كيلو المتبقي نهرمشوه
نصف كيلو غرام من الزنجلان نطحنوه مزيان حتى يولي مثل العجين
و250 غرام نهرمشوه و250 غرام نخليوه صاين
نخلطو المكونات لوضعنا فالإناء ونضيفو اللوز المطحون جيدا والزنجلان
نخلطو المكونات وندلكو مزيان حتى كيتعلكو مزيان
الزبدة الحيوانية ندوبوها مزيان حتى تأخد اللون البني (زبدة نوازيط)
الزبدة كتعطي مذاق رائع لسلو
ونضيفها للخليط وندلكو مزيان المكونات حتى كتعلك مزيان
نضيفو العسل وزيت الزيتون وندلكو مزيان
اخيرا نضيفو اللوز والزنجلان المهرمشين ونخلطو الكل
وهكذا كتكون سلو جاهزة وطريقة التقديم كتبقى اختيارية
الشكل النهائي
الطريقة الثالثة: سفوف أو سلو معلك ومقوم ممكن تحضريه بدون دقيق أبيض وبلا تمارة لزينب المغير
في هذا الفيديو سنتطرق لطريقة تحضير اليوتيوبر الطباخة زينب المغير سفوف أو سلو معلك ومقوم ممكن تحضري بدون دقيق أبيض وبلا تمارة
مشاهدة الفيديو
المكونات
كيلو من دقيق القمح الكامل
كيلو وربع من اللوز محمر
كيلو وربع من الزنجلان محمر
كيلو نخالة الشوفان محمر
كوب عنبة من حبة حلاوة
كوب عنبة من النافع
نصف كوب عنبة من القرفة
ملعقة صغيرة من الملح
ملعقة من المسكة الحرة مع ملعقة من السكر الخشن
كوب عنبة ونصف من السكر الناعم
عسل
بيسكوي قمح كامل مطحون (اما بالشكلاط او عادي استعملت s’Michel او ديجيستيف)
كاس عنبة زبدة نوازيط
طريقة التحضير
كنحمر دقيق القمح الكامل فكوكوت على نار مهيلة ومع التحريك المستمر
بالنسبة لزنجلان كنفرغو عليه كمية من الماء البارد (أو فاش كنغسلوه مكنشفوهش مزيان)
فالكوكوت وكنحمروه بنفس الطريقة
بالنسبة للوز كنزيلو منو 200 غرام وكنحمروه فالفران على نار مهيلة
ومن بعد ما يتحمر كنخليوه يدفا ونطحنوه مزيان حتى يولي مثل العجين
أما 200 غرام فكنسلقوها ونزيلولها القشرة وندهنوه بالقليل من الزيت وكنحمروه بنفس الطريقة
من بعد كنهرمشوه وشوية كنخليوه صاين
بالنسبة الزنجلان كنحمروه فالفران على نار مهيلة ومن بعد ما يتحمر كنحيدو 250 غرام نخليوه صاين
والباقي كنخليوه يدفا ونطحنوه مزيان حتى يولي مثل العجين
نخالة الشوفان كنحمروها بنفس الطريقة ديال دقيق القمح ونطحنوها
نأخد إناء كبير الحجم نوضعو فيه جيع المكونات (إلا الزيت والزبدة)
نخلطو جميع المكونات جيدا وندلكو مزيان حتى تنسجم المكونات وتعلك وتطلق الزيوت ديالها
نزيدو الزيت والزبدة وندلكو الكل جيدا حتى تعلك السفوف ديالنا
وهكذا كتكون سلو جاهزة وطريقة التقديم كتبقى اختيارية
وهذا الشكل النهائي
الطريقة الرابعة: سلو اقتصادي في المتناول وبمذاق رائع لحلويات أسماء
في هذا الفيديو سنتطرق لطريقة تحضير اليوتيوبر الطباخة صاحبة قناة حلويات أسماء سلو اقتصادي في المتناول بمذاق وااااعر
مشاهدة الفيديو
المكونات
كيلو دقيق محمر
300 غ لوز مقلي او زلافة
300 غ كاوكاو مقلي او زلافة
300 غ جنجلان محمر او زلافة
2 ملاعق كبار نافع وحبة حلاوة مصهدين ومطحونين
ساشي مسكة حرة مدقوقة مع السكر
300 غ سكر ناعم
2 ملاعق كبارقرفة مطحونة
زيت دافئ حسب الرغبة
طريقة التحضير
كنحمرو كيلو ونصف من الدقيق باش كيعطينا كيلو محمر كنحمروه فالكوكوت أو الفرن
وكنغربلوه باش كنزيلو دوك الكويرات لكيتكونو فيه
بالنسبة للوز كنسلقوه لمدة دقيقتين فقط وكنزيلو ليه القشرة ديالو
بالنسبة لكاوكاو كنسلوقوه مرتان باش ينقص جهد ديالو وكنغسلوه مزيان ونزيلو ليه القشرة ديالو
كنحمرو زنجلان في مقلاة على نار هادئة مع التحريك
كنوضعو اللوز في مقلاة ونفرغو عليه زيت باردة وكنقليوه على نار هادئة حتى كيتحمر
ونفس الطريقة بالنسبة لكاوكاو أو الفول السوداني
كنهرمشو اللوز وكاوكاو والزنجلان كنطحنوه مزيان
كنخدو إناء كبير الحجم ونوضعو فيه جميع المكونات النواشف وكنخلطوهم مزيان
ثم كنضيفو الزيت وندلكو المكونات مزيان حتى كيتعلك السفوف ديالنا
وهكذا كتكون سلو جاهزة وطريقة التقديم كتبقى اختيارية
الشكل النهائي
الطريقة الخامسة: وصفة ناجحة لتحضير سلو بدون زبدة على الطريقة التقليدية لشميشة
في هذا الفيديو سنتطرق لطريقة تحضير الطباخة شميشة وصفة ناجحة لتحضير سلو بدون زبدة على الطريقة التقليدية
مشاهدة الفيديو
المكونات :
1 كلغ دقيق
750 غرام لوز كامل
250 غرام لوز مهرمش ومحمر
750 غرام زنجلان
1 كلغ سكر ناعم
ربع كوزة مدقوقة (جوزة الطيب)
2 قبصات مسكة حرة مدقوقة (مستكة)
2 ملاعق كبيرة نافع مدقوق (ينسون)
ملعقة كبيرة قرفة مدقوقة
ملعقة صغيرة ملح
لتزيين
200 غرام لوز مهرمش ومحمر
100 غرام لوز محمر (مع إزالة القشور)
طريقة التحضير
كنحمرو الدقيق في الفرن على درجة الحرارة 170 درجة ومع التحريك المستمر
وبنفس الطريقة كنحمرو اللوز والزنجلان
اللوز كنخليوه بالقشرة ديالو كيجي ألذ
كنخلطو اللوز مع نصف كمية سكر صقيل ونطحنوه مزيان حتى كيولي مثل العجين
كنخلطو والزنجلان مع نصف كمية سكر صقيل المتبقية ونطحنوه مزيان حتى كيولي مثل العجين
نأخد العجانة وكنوضعو فيها الدقيق مع اللوز المطحون والزنجلان وكنشغلوها
كنخليو المكونات تدلك لمدة 15 دقيقة
بالنسبة لمسكة الحرة كندقوها مع القليل من الملح
كنضيفو المكونات المتبقة للخليط إلا لوز مهرمش
كنشغلو العجانة مرة أخرى لمدة 15 دقيقة حتى كيتعلكو المكونات واللوز والزنجلان كيطلقو الزيت ديالهم
وفالأخير كنضيفو اللوز مهرمش ونعاودو نخلطو سلو بالعجانة حتى كتنسجم المكونات
وهكذا سلو ديالنا جاهزة وبالصحة والراحة
الشكل النهائي
شاهد أيضا