اعط تنقيطا للوصفة
حلويات العيد: حلوى رائعة بدون بيض بطريقة سهلة هماوية من تحضير حليمة الفيلالي
في هذا الفيديو سنتعرف على مكونات و طريقة تحضير حلوى رائعة بدون بيض بطريقة سهلة هماوية الشكل من تحضير حليمة الفيلالي
مشاهدة الفيديو
المكونات
- 125 غرام زبدة او ماركرين العلبة
- كأس زيت
- كأس سكر بودرة
- رشة ملح
- 4 قطع جبن مثلث
- دقيق أبيض تقريبا 400 غرام
- 3 ملاعق لوز مطحون بقشرته
- للتزيين: شكلاط + جوز + زنجلان أسود (أو أي اضافة متوفرة)
طريقة التحضير
- فقصرية كنوضعو الزبدة ليتكون بحرارة المطبخ
- ونغربلو فوقها سكر كلاسي ونزيدو رشة ملح
- كنزيدو الجبن المثلث ونخدمو المكونات مزيان باليدين
- حتى كنحصلو على خليط كريمي
- كنزيدو اللوز مطحون ونخلطو الكل
- بالنسبة للوز كنمسحوه ونطحنوه وهو خضر بالقشرة ديالو
- نزيدو كاس ديال الزيت ونستمر في خلط المكونات
- كنزيدو الدقيق تدريجيا تقريبا 400 غرام وكنجمعو العجين
- حتى نحصلو على عجين رطبة ومتماسكة متكونش قاسحة بزاف ومتكونش رطبة بزاف
- مندلكوهاش غير نجمعوها ونخدمو بيها مباشرة
- ناخدو جزء من العجين ونطلقوه بالمدلك وسط 2 بلاستيكات ولا ورق الطبخ
- منرقوش بزاف حيت مغادنش نلصقو وحدة مع وحدة
- نقطعوها دوائر أو أي شكل بغينا ونديروها فصفيحة الفرن
- والعجين ليكتبقا كنعاودو نجمعوها ونشكلوها بنفس الطريقة
- كندخلوهم لفرن مسخن من قبل على 180 درجة من الفوق والتحت
- حتى كياخدو اللون الذهبي ودغيا كيطيبو
- ناخدو كاسرول نذوبو فيها شكلاط أبيض ( أو أسود حسب الذوق) على حمام مريم
- من الأحسن منزيدوش الزيت فالشكلاط باش يجمد لينا دغيا
- نوضعو فيه الحلوى ونصفيوها من الزوائد ونحطوها فوق ورق الطبخ
- ونزينوها بنصف كركاعة أو الجوز ونرش بالزنجلان أسود
- ونخليو الشكلاط يجمد ولا كان الجو سخون نديروها فالثلاجة
- وبالصحة والراحة كتجي حلوى ياسلام و رائعة جدا
تقييم هذه الحلوى
حسب تقييمنا لتعليقات المتابعين على موقع اليوتيوب نرى أن هذه الحلوى من تحضير حليمة الفيلالي رائعة جدا بذوق مميز كتجي ياسلام.
رابط قناة حليمة الفيلالي هنا
شاهد أيضا
حلويات العيد: حلوة الكوك المعلكة من تحضير شهيوات ياسمينة
حلوى العيد: غريبة البهلة رائعة هشيشة وخفيفة بدون مجهود مع طريقة الاحتفاظ بها من تحضير حليمة الفيلالي
حلوى العيد: صابلي بالمربى لذيذ جدا اقتصادي وبكمية كثيرة من تحضير حليمة الفيلالي
حلوى العيد: حلوى رائعة للعيد بذوق مميز جدا بشكلين مختلفين من تحضير حليمة الفيلالي