بليغات الزنجلان
في هاذ المقال غادن نتطرقو لمكونات و طريقة تحضير بليغات الزنجلان بطريقة اقتصادية مع اسرار نجاحهم من تحضير الطباخة حليمة الفيلالي بمكونات بسيطة وبطريقة سهلة جدا والنتيجة رائعة
مشاهدة الفيديو
المكونات
500 غرام دقيق أبيض ( 2 زلايف )
250 غرام زنجلان محمر غير شوية
3 معالق زبدة ذائبة
3 معالق زيت
كيس من خميرة الحلويات
أصفر بيضة
معلقة صغيرة قرفة
معلقة صغيرة نافع
معلقة كبيرة خل
كأس وربع ماء الزهر ما يعادل 250 مللتر
ملح
ماء
العسل
طريقة التحضير
فقصرية ولا آلة العجن نوضعو الزنجلان ونغربلو الدقيق
ونضيفو النافع والقرفة وخمارة الحلوى
نرملو الدقيق بالزيت والزبدة
نجمعو العجينة ببيضة والخل وماء الزهر والماء العادي
نضيفو الماء شوية بشوية حتى نحصلو على عجينة رطبة
متكونش قاصحة بزاف ومتكونش رطبة
مكندلكوش العجينة بزاف غير مقدار نجمعوها
كنقسموها وكنديروها فبلاستيكا ونخليوها ترتاح
باش العجينة كتبقا رطبة ومكتنشفش
نخليوها واحد ربع ساعة تقريبا
من بعد ما رتاحت العجينة كنطلقوها بالدلاك رقيقة
ولا ممكين نطلقوها فآلة التوريق حسب الرغبة
كنقطعوها دوائر كبيرة ودوائر صغيرة
وكنحاولو نجبدو شوية الدوائر الصغيرة ونحطوها فوق الدوائر الكبيرة
وكنجمعوها من الأطراف ونضغطو عليهم مزيان على شكل بليغة
ولا ممكن نديرو غير الدائرة الكبيرة ونجمعوها بلاش من صغيرة
والعجينة ليكتشيط كنجمعوها بلا منعجنوها ونديروها فبلاستيك باش ترطاب بلا منطلقوها
ودائما نسدوا البلاستيكا باش ميدخلهاش الهوى
وبالنسبة لآلة التوريق نديرو فيها العجينة في الأول على 4 وفي الثاني على 2
كنقطعو العجينة على شكل دوائر ونشكلوها على شكل كورني
كنديرو العجينة فشي صفيحة ولا بلاطو ونخليوها تشد راسها مزيان
باش متحلش فاش نبغيو نقليوها ولا يتبدل الشكل ديالها
نخليوها واحد الساعة تقريبا بلا منغطيوها
حتى كنحسو بلونها تغلق وشدت راسها
عاد كنعمرو مقلاة بالزيت ونخليوه يسخن مزيان
عاد نبداو نقليوها على نار لي تكون متوسطة
مني كتحمر من جيهة كنقلبوها لجيهة لوخرى باش تحمر كاملة
وكنصفيوها من الزيت عاد نديروها فالعسل
عسل منزلي لكل الحلويات والمعسلات من تحضير “حليمة الفيلالي
كنخليوها تشرب العسل ونديرو قلية أخرى
وفاش طيب القلية الثانية نصفيو لولا من العسل ونحطوها فكسكاس تصفى
ونديرو القلية الثانية فالعسل وهكذا حتى نسالييو كلشي
والعسل لي كتصفى من الكسكاس نعاود نستعملوها مرة أخرى
والتزيين كيبقى حسب الرغبة أولا تخليها غير هكاك
كتجي رائعة
وطريقة الإحتفاظ بها في المجمد كنوضعوها فبواطة ونقسموها طبقات ببلاستيك
حسب الكمية لي بغينا
والبصحة والراحة
تقييم بليغات بالزنجلان لحليمة الفيلالي
حسب تقييمنا لتعليقات المتابعين على موقع اليوتيوب نرى أن بليغات بالزنجلان من تحضير حليمة الفيلالي وصفة ناجحة ولذيذة جدا
رابط قناة حليمة الفيلالي هنا
شاهد أيضا
عسل منزلي لكل الحلويات والمعسلات من تحضير “حليمة الفيلالي”
جديد هاذ رمضان سلو هماوي بتقنية جديدة ماغتقلي حتى حاجة والمذاق استثنائي
من تحضير حليمة الفيلالي
خمس طرق لتحضير سلو مغربي تقليدي 100 %
حلوى لسان الطير من تحضير حليمة الفيلالي
شباكية مغربية في الفرن و بدون قلي من تحضير “مطبخ تيما
طريقة تحضير شباكية “حليمة الفيلالي”
طريقة تحضير سلو “حليمة الفيلالي”
الحريرة المغربية من تحضير “حليمة الفيلالي”