بسطيلات بالدجاج
فهاد المقال غادن نحضرو جميع بسطيلات بالدجاج كيجيو مقرمشين ولذاذ بزاف من تحضير الطباخة حليمة الفيلالي من برنامج وليمة مع حلية ليكيجي ف 2M
مشاهدة الفيديو
المكونات
خمس مائة غرام من ورق البسطيلة_
نصف كيلو من الدجاج_
حامضة واحدة + ورقتين من الرند_
ملعقة من الزعتر_
فصان من الثوم_
ملح حسب الذوق_
مائة غرام من الشعرية الصينية_
حبة من البصل_
حبتين من البورو_
هريسة حسب الذوق_
ملعقة صغيرة من الموطارد_
ملعقة كبيرة من المعدنوس_
ملعقة كبيرة من عصير الحامض_
حامض مصير_
ملعقة كبيرة من صلصة الصوجا_
ملعقة صغيرة من القزبر اليابس_
ملعقة صغيرة من الزنجبيل_
ملعقة صغيرة من الفلفل الأسود_
ملعقة صغيرة من الفلفل الأحمر_
الزبدة ملعقة كبيرة_
طريقة التحضير
نسلقو الدجاج مع الثوم والزعتر وورقة سيدنا موسى وشوية الملح _
كناخدو مقلة نديرو فيها الزبدة ملعقة كبيرة_
كنزيدو بصلة مشلضة والبورو كنخليوهم يتشحرو شوية عاد كنزيدو باقي المقادير
كنزيدو الحامض مصير والدجاج مقطعين رقاق_
نزيدو عصير الحامض والمعدنوس، ابزار، قزبر يابس مطحون، تحميرة، زنجبيل والملح حسب الذوق
نزيدو صلصة الصوجا ونخلطو كلشي_
كنرقدو الشعرية الصينية فالماء مغلي لمدة 5 دقائق ونقطعوها رقيقة_
وكنزيدوها للمكونات ونخلطو كلشي حتى كتشرب لينا العطرية_
نزيدو معلقة صغيرة موطارد والهريسة حسب الذوق_
نخلطو كلشي حتا كينساجمو المكونات ونطفيو النار_
نخليو الحشرة تبرد مزيان_
ناخدو ورقة البسطيلة ونقسموها على 4
كناخدو شي اطار دائري ولا طبسيل صغير_
كناخدو 2 قطع من ورقة البسطيلة كنذهنوهم بالزيت_
ونحطوهم فالاطار مقابلين كما هو موضح فالصور_
كنحطو الحشوة فالوسط ونضغطو مزيان باش يعمرو الجوانب_
كنجمعو الأطراف ونغلقوها مزيان ويلا خفنا تفتح نذهنوها بصفار البيض_
كنكملو بنفس الطريقة ونحطوهم فصفيحة الفرن_
كنذهنوهم بخليط من الزيت مع صلصة الصوجا والتحميرة_
ولا نذهنوهم بصفار البيض مع الخل وصلصة الصوجا_
كندخلوهم لفران مسخن من قبل ونطيبوهم على 180 درجة_
باش كيطيبو على خاطرهم وكيجيو مقرمشين_
كنزينوهم بالفرماج محكوك أو شرائح الحامض_
ودائما التزيين كيبقى اختياري والبصحة والراحة_
تقييم بسطيلات بالدجاج
من خلال تقييمنا لتعاليق المتابعين على موقع اليوتيوب لاحظنا أن هاد الوصفة ديال بسطيلات بالدجاج من تحضير حليمة الفيلالي كيجييو لذاذ ومقرمشين
رابط قناة حليمة الفيلالي هنا